Me lot në sy dhe duke u dridhur nga ajo që ka kaluar, kjo ka qenë gjendja e një të moshuari në zonën e Novoselës në Vlorë. Ai tregon se ka dy ditë dhe dy netë që qëndron nën ujë, ndërsa 120 krerë dele janë duke ngordhur.
Po ashtu bashkëshortja e tij nuk ka pranuar që të evakuuohet duke bërë rezistencë, ndrësa ushtria ka shkuar me vonesë në zonë.
‘’Kam dy ditë e dy netë që jam në ujë, tashi dhe mezi më kanë nxjerë, më janë prishur të gjitha gjërat, 120 krerë dele po më ngordhin”, u shpreh mes të tjerave i moshuari.
Situata në Vlorë vazhdon të jetë e rënduar prej ditës së djeshme. Njoftohet nga autoritetet për një tjetër shpërthim të lumit në këtë pikë kritike të tij.
Vjosa ka dalë nga shtrati në orën 4 të mëngjesit të sotëm duke shkatërruar dy argjinaturat e Bishanit dhe Mifolit. Janë evakuuar reth 35 familje.
Në terren gjendet forca të shumta të policisë dhe ushtrisë, janë duke patrulluar në zonat më problematike për tu ardhur në ndihmë banorëve.
Janë përmbytur dhjetra hektarë tokë bujqësore. Ka pasur dhe një mungesë të energjisë elektrike prej orësh. Niveli i lumit rritet me 20 cm në orë dhe do të ketë një rritje të vazhdueshme edhe për 5-6 orët në vijim.
(E.K/Faxweb)
https://www.youtube.com/watch?v=d0qbXHbSyyk&feature=youtu.be
