Adi Krasta është padyshim një nga moderatorët më të mirë që media ka pasur, ndërsa prej disa kohësh është i fokusuar te Festivali i Fundvitit në TVSH. Po ajo që na ka bërë përshtypje së fundi është pamja e tij.
Në një foto që ka postuar Krasta duket se ka lënë pak mjekër, ndoshta edhe për shkak të angazhimeve nuk ka pasur kohën e mjaftueshme që të kujdesej për veten.
“Ne Pallatin e Kongreseve me regjisorin e dashur Pali Kuke per ti dhene formen perfundimtare nje shfaqjeje sa komplekse aq edhe te bukur”, shkruan Krasta.
Tashmë na ndajnë edhe dy ditë nga Festivali i Fundvitit, ndërsa përgatitjet janë drejt fundit në Pallatin e Kongreseve. Me një skenë rrezëllitëse e ndricim të kuruar nga skenografi Albi Cifligu dhe koncept regjisorial nën kujdesin e mjeshtrit Pali Kuke.
Në një intervistë për Fax Neës, zëdhënëse e Festivalit, Kozeta Kurti tregon detajet e këtij edicioni.
Kurti thekson se surprizat nuk do të jenë pika kyçe e këtij edicioni e se publiku do të njihet me gjithcka e pret.
“Kumbari i festivalit do të jetë kantautori Italian Riçardo Coçiante. Drejtuesi i festivalit, Adi Krasta nuk do të jetë i vetëm në prezantim.
Ky edicion duket se do të mbledh emra të njohur të muzikës së lehtë shqiptare ndaj është quajtur: “rikthimi i të mëdhenjve”.
“Numrat koreografikë do të jenë shfaqe të rralla artistike të mbështetura në tematika sociale të cilat do të transmetohen për ju në vigjiljen e Krishtëlindjeve në datat 21, 22 dhe 23 dhjetor.”
(E.K/FAXWEB)
Discussion about this post