Kryetarja e LSI-së Monika Kryemadhi është shprehur nga Berati se shqiptarët do të tërheqin zvarrë Ramën për së gjalli. Ajo theksoi se shqiptarët nuk janë lodra në duart e Edi Ramës por janë populli më i fuqishëm dhe i guximshëm.
“Ka dy rrugë, ose të largohet Edi Rama ose shqiptarët. Rama po largon shqiptarët nga BE. Data 27-janar ka një vlerë, nuk ka vlerë vetëm për të marrë pjesë në protestë, protesta ka një vlerë tjeter shumë të rëndësishme. Shqiptarët nuk janë më lodra në duart e tyre, por janë një popull i fortë dhe një popull i guximshëm. Nëse në vitet ’90 shqiptarët hoqën zvarrë bustin e Enver Hoxhës tani do ta tërheqin zvarrë Ramën për së gjalli.
Nuk ka djalë dhe vajzë shqiptare që do donte të ndërtonte një të ardhme këtu. Hajdeni më 27 janar për të bërë një protestë paqësore,ku të jetë e qartë pjesëmarrja për të gjithë. Prandaj ju bëj thirrje që të merrni pjesë.”, u shpreh Kryemadhi nga Berati. (J.V/Faxweb)
Discussion about this post