Vërtet e veçantë ka qenë dita e djeshme për sopranon shqiptare Inva Mula. Ndërsa festoi për hapjen e një hapësire artistike, së bashku me tre shoqet e saj të Liceut, Inva priti ditëlindjen. Një tortë, fishekzjarre dhe shumë urime nga njerëzit e saj më të dashur, mes të cilëve edhe vajza e saj e vogël, Nina.
Në një fotografi të hedhur në faqen e saj në “Facebook”, Inva duket shumë e lumtur, e përqafuar me të bijën, përpara një torte për të fryrë qirinjtë. Inva Mula mbush sot 54 vjeç, por duket se vitet kanë ndalur në vend për të. Krahas të kënduarit, Inva tani po i dedikohet edhe aktiviteteve të tjera.
Dje, së bashku me shoqet e saj Marina Grabovari, Besa Kaçinari dhe Etleva Turkeshi Minarolli të gjitha artiste, kanë hapur një hapësirë kulturore për të gjithë. I konceptuar në formën e një artbar-galerie, ambienti që ndodhet në Pazarin e Ri, u hap me ekspozitën e artistes Zake Prelvukaj.
Discussion about this post