Një ngjarje e bukur në jetën e deputetes demokrate Jorida Tabaku ka mbledhur edhe njëherë deputetët e Kuvendit të Shqipërisë. Ajo është bërë nënë e dy vajzave dhe në këto kushte kur i duhet të pushojë, është dashur zëvendësimi i saj me deputetin Gerti Bogdani në komisionin Ad Hoc për Reformën në Drejtësi.
Po kështu para deputetëve është betuar edhe avokatja e re e Popullit, Erinda Ballanca.
”Betohem”, është dëgjuar nga foltorja Ballanca. Sot pasdite në orën 16.00 Kuvendi do të mblidhet sërish.
Mbledhja e komisionit “ad hoc” për 12 kandidatët për institucionet e vlerësimit, i parashikuar për t’u zhvilluar para dy ditë u shty, pasi mungonte Tabaku.
Në këto kushte u ra dakord me konsensus dhe është kërkuar nga PD-ja mbledhja e firmave sa më parë dhe sjelljen e një propozimi të ri për zëvendësimin e deputetes Tabaku. Në këtë qëllim gjatë këtyre ditëve pritet të mbahet një seancë e jashtëzakonshme në parlament, ku do të votohet për emrin e ri që do të zëvendësojë anëtarin e ri. (V.G/SHUPLAKA)
Jorida Tabaku që mungonte sot në seancë dhe Erinda Ballanca duke u betuar
Discussion about this post