Dita e djeshme kishte një lajm të mirë për të gjithë shqiptarët, Romela Begaj pas 45 vitesh arrin të shpallet kampione bote në peshngritje në stilin e shtytjes.
Një arritje kjo që na bën të gjithë krenarë. Për gazetarin Arben Vata brenda një dite është shpallur dhe një tjetër kampion, kryeministri Rama në ecjen mbi goma.
Vata thotë për Ramën se ai fillimisht ka provuar veten në basketboll, ku pavarësisht se shumë analistë sportiv përmendin vetëm aftësitë e tij për të prishur lojën e kundërshtarit, Rama ka arritur megjithatë të jetë lojtar rezervë i Dinamos dhe kombëtares
REAGIMI I PLOTË I ARBEN VATËS:
Dy realitete të ndryshme shqiptare brenda një dite; Romela Bega shpallet kampione e botës në peshëngritje dhe kryeministri Rama, kampion kombëtar në ecjen mbi goma. Të dy kampionët kanë shënuar edhe më herët rekorde të ndryshme në sport.
Begaj nga e saj i është përkushtuar gjatë gjithë jetës peshëngritjes, ndërsa Rama ka ushtruar sporte të ndryshme.
Fillimisht ai ka provuar veten në basketboll, ku pavarësisht se shumë analistë sportiv përmendin vetëm aftësitë e tij për të prishur lojën e kundërshtarit, Rama ka arritur megjithatë të jetë lojtar rezervë i Dinamos dhe kombëtares.
Ndërsa gjatë kohës që po ushtron politikën, Rama i është kthyer sërish sporteve, por në disiplina të reja, të pa njohura më parë. Para shumë vitesh ai themeloi sportin e prerjes së shtyllave me sëpatë, ndërsa vijon të mbetet kampion edhe aty.
Së fundi, ai u pa këto ditë duke mbajtur ekuilibrin në një ecje të pa zakontë mbi goma. Pritet që këtij sporti të ri ti bashkëngjiten miqtë e tij Thaçi, Vucic dhe Erdo?an.
Urime të dy kampionëve shqiptarë Begaj e Rama për rekordet e tyre.
(E.K/FAXWEB)
