Dy legjenda në një foto, Zidane dhe Iniesta shkëmbejnë përqafimin e lamtumirës

Barcelona u takua mbrëmë me Real Madridit në një El Clasico plot intensitet dhe agresivitet ku nuk mungoi spektakli, golat por edhe kartonat e kuq.

Megjithatë një moment emocionues është regjistruar nga ky takim , ku në  derën e dhomës së zhveshjes së katalanasve është parë Zinedine Zidane. Trajneri i madrilenëve ka pritur 5 minuta për t’u përshëndetur me kapitenin e katalanasve, Andres Iniesta mes të cilëve është shkëmbyer një përqafim miqësorë. Francezi e ka pritur  spanjollin jashtë dhomës së zhveshjes.

Zidane ka dashur të takojë një prej futbollistëve më të mëdhenj, duke qenë se kjo ishte hera e fundit që do ta kishte përballë të veshur si katalanas dhe ti jepte një lamtumirë.

Mesa duket kjo ishte lamtumira që Zidane kishte përgatitur për Iniestan, një përqafim miqësor dhe shumë fat në rrugën e tij larg Barcelonës. 9B.H/Faxweb)