Dy makinat përplasen “kokë më kokë”, me to edhe një motor. Një i plagosur në gjendje të rëndë (VIDEO)

Një aksident është shënuar pasditen e sotme në rrugën Elbasan-Tiranë, ku janë përfshirë dy automjete dhe një motor.

Aksidenti ka ndodhur rreth orës 17:30 pranë një qendre tregtare në këtë aks rrugor. Mësohet se si pasojë e këtij aksidenti, ka mbetur i plagosur shoferi i motorit me iniciale E.H. I plagosuri është rreth moshës 60-vjeçare dhe është dërguar me urgjencë në spital ku ndodhet në gjendje kritike për jetën.

Ende janë të paqarta shkaqet e këtij aksidenti, ndërsa policia ka nisur hetimet.(D.D/Shuplaka)