Janë publikuar pamjet e atentatit të ndodhur në 14 prill të këtij viti ndaj avokatit kosovar, Gazmend Halilaj.
Siç shihet në pamjet e publikuara, agresorët i zënë pritë Halilaj në një rrugë automobilistike. Makina e tij u përplas nga një makinë tjetër në afërsi të banesës, e më pas autorët gjuajmë mbi të 11 plumba.
Atentati besohet të ketë ndodhur për shkak të detyrës. Gazmend Halilaj ishte edhe një nga personat që zbardhi rastin tragjik të 16-vjeçares nga Drenasi e abuzuar seksualisht nga profesori i shkollës dhe hetuesi i rastit e cila u detyrua të abortonte në muajin e katërt të shtatzënisë nga një mjek i cili u pagua nga abuzuesit.
Por jo pak bujë bëri edhe rasti i zbulimit të vjedhjes së 1.4 milionë markave, para të destinuara për luftëtarët në luftë në vitin 1999. Pikërisht për zbardhjen e këtij rasti Gazmend Halilaj u kërcënua me jetë.
Discussion about this post