Një incident është shënuar mesditën e sotme në qytetin e Pogradecit, ku dy punonjësit e ujësjellësit të këtij qyteti, kanë rënë në kontakt me energjinë elektrike.
Mësohet se dy punojësit e UK, emrat e të cilëve nuk bëhen të ditur, kanë qenë duke punuar tek pompa e ujit, mirëpo në një moment kanë rënë në kontakt me energjinë elektrike dhe janë lënduar.
Ata janë dërguar me urgjencë në Tiranë për një mjekim më të specializuar. Ndërkohë policia ka nisur hetimet për të zbardhur detajet e tjera të ngjarjes.
Njoftimi i policisë:
Më datë 05.09.2017, jemi njoftuar se në fshatin Tushemisht, dy punonjës të Ujësjellësit Pogradec, konkretisht shtetasit I.K, rreth 58 vjeç, banues në Pogradec dhe D.K, rreth 38 vjeç, banues në fshatin Memelisht, duke punuar tek pompa e ujit, dyshohet se aksidentalisht kanë rënë në kontakt me energjinë elektrike.
Për pasojë këta shtetas, kanë pësuar djegie në pjesë të ndryshme të trupit. Pas ndihmës së marrë në Spitalin e Pogradecit këta të fundit u nisën në Tiranë, për një mjekim më të specializuar ku ndodhen jashtë rrezikut për jetën.Grupi hetimor po punon për zbardhjen e rrethanave të ngjarjes. (D.D/Shuplaka)
Discussion about this post