Qyteti i Elbasanit në muajin e fundit është përballur me dy tentativa për vënie eksplozivi. Deri më tani asnjëra nga këto ngjarje nuk ishte zbardhur. Ndërkohë dje policia e këtij qyteti ka vënë në pranga dy persona.
Në sajë të operacionit të koduar “Eksplozivi” janë vënë në pranga Gentian Kllogjri, 38 vjeç dhe Thanas Thoma, 38 vjeç nga Elbasani.
Ata dyshohen se më 6 maj kanë vendosur lëndë plasëse në tokë poshtë mjetit në pronësi të F.V. Ndërsa më 22 maj dyshohet se i kanë vendosur lëndë plasëse në shkallët e një lokali në pronësi të L.D.
Vazhdojnë hetimet për kapjen e personave të tjerë të përfshirë në veprimtari kriminale. (E.K/SHUPLAKA)
Discussion about this post