Dy raste dhune janë shënuar vetëm dje mes simpatizantëve të Partive Politike. Kur u duk se e gjithë fushata po shkonte normalisht mesa duket ashpërsimi i toneve në Tiranë ka përkeqësuar dhe gjendjen në rrethe.
Kështu në Fier një i ri që ishte pjesë e forumeve të LSI-së u dhunua nga një simpatizant i PS-së.
Artan Grembi dhunoi Orgest Grembin. Lajm ky që nxiti reagimin e menjëhershëm të drejtuesve më të lartë të LSI-së.
Vetë Meta u nis drejt Fierit për të parë gjendjen e të riut dhe për të çuar një mesazh drejt Ruçit e Ramës që me dhunë nuk do të frikësojnë askënd.
Deri më tani dhunuesi nuk është ndaluar nga policia, ose të paktën nuk ka asnjë sqarim për mediat në lidhje me ngjarjen.
Krejt ndryshe paraqitet situata në rastin e dytë të dhunës së konstatuar. Në rastin e Kavajës katër dhunuesit e të riut Alban Tafa kanë rënë nën prangat e policisë.
Alban Tafa, banues në Luz i Vogël, Kavajë, denoncoi në polici se ishte dhunuar nga katër persona për shkak të bindjeve të tij politike. Më parë mbështetës i Lëvizjes Socialiste për Integrim, Alban Tafa që punon si kasap në Kavajë, së fundmi ka zgjedhur t’i bashkohet Partisë Socialiste.
Tre prej katër personave, që thuhet se janë aktivistë të Partisë Demokratike, u vunë në pranga, ndërkohë që i katërti është shpallur në kërkim.
U krye dje arrestimi i shtetasve: Zaim Borakaj, 31 vjeç, banues në Kavajë, i dënuar më parë. Brikel Xhihani, 30 vjeç, banues në Kavajë,Aurel Xhani, 43 vjeç, banues në Kavajë, ndërsa u shpall në kërkim shtetasi G. K., 37 vjeç, banues në Kavajë.
Mesa duket Policia ka zgjedhur të jetë me dy standarde. Ndërsa për situatën në Fier nuk ka asnjë të arrestuar, në Kavajë katrër personat jo vetëm që janë identifikuar por edhe janë vënë nën pranga. (E.K/SHUPLAKA)
Discussion about this post