Dy shpërthime të njëpasnjëshme në Kabul, 21 të vdekur dhe 45 të plagosur. Civilë dhe punonjës të parlamentit

Të paktën 21 persona janë vrarë dhe 45 të tjerë janë plagosur si pasojë e dy shpërthimeve të njëpasnjëshme në parlamentin afgan të Kabulit.

Lajmi është bërë me dije nga një zyrtar i sigurisë në vend. Një sulm kamikaz dhe një autobombë shpërthyen pikërisht në orën e pikut, kur stafi ishte duke dalë na ndërtesa.

Shumica e viktimave mësohet se janë civilë, por dhe punonjës të parlamentit, referuar deklaratës së zyrtarit për “AFP”.

“Shpërthimi i parë ndodhi jashtë parlamentit , një numër i punëtorëve të pafajshëm u vranë dhe u plagosën.”, u shpreh një roje sigurie. (XH.A/SHUPLAKA)