Pesë muaj pas tragjedisë në Nisë të Francës, ku një ekstremist tunizian lëshoi kamionin 19-tonësh drejt banorëve duke shkaktuar plot 86 viktima, plot 11 persona janë vënë nën prangat e policisë franceze.
Të arrestuarit dyshohen se kanë patur lidhje me sulmin terrorist, megjithatë 8 prej tyre janë liruar.
Në qelinë e paraburgimit kanë mbetur vetëm dy shqiptarët dhe një tunizian me banim në Francë.
Mësohet se tre të arrestuarit janë të moshës 24, 31 dhe 36 vjeçare.
Sipas medias franceze “The Local Fr”, dy shqiptarët Artan Henaj dhe Enkelejda Zaçe dhe tuniziani Ramzi Arefa, akuzohen se i kanë dorëzuar një kallashnikov tunizianit tjetër, Mohamed Lahouaiej, autorit të krimit. Mbi shqiptarët rëndon akuza për “komplot terrorist”.
Gati 6 muaj pas sulmit, policia franceze ende po mundohet të zbulojë motivet e ngjarjes tragjike.
