Dy shqiptarë kanë ngelur të vrarë në Basel, në veri të Zvicrës mbrëmjen e së enjtes. Po kështu një person i tretë është plagosur rëndë.
Sot në mëngjes prokuroria zviceriane konfirmoi se viktimat janë shqiptarë të moshës 28 dhe 39 vjeç ndërsa shqiptari i tretë është po shqiptar 24 vjeç, shkruan tagesanzeiger.ch.
Vrasja ka ndodhur në Cafe 56 në Bazel dhe autorët të cilët mendohen se janë dy persona kanë hyrë në lokal duke qëlluar. Por ende Nnk dihet kush është motivi i këtij krimi të rëndë.
Atentati:
Dy persona kanë hyrë në lokal dhe kanë qëlluar dhe më pas janë larguar drejt stacionit Badischer Bahnhof në kufi me Gjermaninë
Policia ka ndërmarrë një aksion për arrestimin e tyre por ende nuk ka asnjë gjurmë ndërkohë faqja online zvicerane tagesanzeiger.ch thotë se kjo është një ndër vrasjet më të rënda të ndodhur këto kohë në Bazel.
Te veshur me te zeza- Zyra e prokurorisë e Bazelit në Zvicër thotë se autorët janë të moshës 30 dhe 40 vjeç, me flokë të zi dhe rreth 1. 75 cm të gjatë. Sipas hetuesve autorët kishin veshur rroba të zeza dhe njëri prej tyre kishte një xhaketë të zezë ose kafe. Nuk dihen shkaqet e atentatit.
Lokali frekuentohej nga shqiptaret- Deshmitarët thonë se lokali frekuentohet nga shqiptarë.
Lokali më përpara njihej dhe si vend ku shpërndahej drogë por vitet e fundit pas ndryshimit të pronarit, njihej si lokal i qetë
Në lokal ka pasur edhe persona të tjerë kur ndodhi atentati por vec viktimave nuk ka të tjerë të lënduar.
