Drejtoria Vendore e Policisë Durrës vijon punën për parandalimin dhe goditjen e paligjshmërisë, si dhe për garantimin e rendit dhe sigurisë publike.
Arrestime në flagrancë:
– Specialistët për Hetimin e Krimeve në Komisariatin e Policisë Kavajë arrestuan në flagrancë shtetasin E. Ç., 35 vjeç, banues në Kavajë, pasi dyshohet se ka ushtruar dhunë fizike ndaj bashkëjetueses së tij.
– Po ashtu, specialistët e Sektorit të Qarkullimit Rrugor në DVP Durrës arrestuan në flagrancë shtetasin E. Gj., 37 vjeç, banues në Durrës, pasi është kapur duke drejtuar automjetin në gjendje të dehur.
Rast i denoncuar për largim nga banesa:
– Në Komisariatin e Policisë Kavajë ka kallëzuar shtetasi S. P., 33 vjeç, banues në fshatin Kryevidh, se më datë 11.06.2025 është larguar nga banesa bashkëshortja e tij, shtetasja D. P., 29 vjeçe. Policia po punon për gjetjen e saj dhe sqarimin e rrethanave të largimit.
Veprime të mëtejshme:
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme ligjore.
