Një çift të moshuarish janë plagosur rëndë në Durërës si shkak i shpërthimit të bombolës së gazit në banesën e tyre. Ata janë nisur me urgjencë për ndihmë mjekësore të specializuar në spitalin “Nënë Tereza” në Tiranë.
Mësohet se të moshuarit S.M., 77 vjeç dhe S.M., 73 vjeçe kanë djegie dhe dëmtime të shumta në trup për shkak të shpërthimit të fuqishëm të bombulës që përdornin për ngrohje.
Siç duket edhe nga pamjet filmike në vendngjarjen e incidentit të rëndë të regjistruar mbrëmjen e djeshme, dëmet materiale në apartament janë të shumta.
Ndërkohë që mbetje nga shpërthimi i fuqishëm janë shpërndarë edhe nëpër rrugë në lagjen nr.12.
Siç shihet në videon e mëposhtme e gjithë zona është e pandriçuar.
