Dy të rinj humbën jetën duke mbledhur hekur në Laç, reagon Nikolla: Këto objekte do të marrin jetë njerëzish sërish

Kreu i Federatës së Sindikatave Kol Nikolla ka reaguar për ngjarjen e ndodhur tek ish-Uzina në Laç ku humbën jetën 2 të rinj.

Në një deklaratë për mediat nga vendi i ngjarjes Nikolla u shpreh në këtë vend rrezikohen jetë njerëzish çdo ditë.

“Këtu rrezikohen çdo ditë jetë njerëzish. Qytetarët detyrohen të mbledhin skrap për bukën e gojës, pasi varfëria është ulur këmbëkryq.

I bëj thirrje qeverisë të marrë masa urgjente për të izoluar këto objekte në mbarë Shqipërinë me qëllim që brenda tyre të mos deportojnë njerëz. Ne këto kushte rrezikohen sërish jetë njerëzish.”

(M.Q/Faxweb)