Dy të vdekur dhe 17 të plagosur nga të shtënat në një shkollë në SHBA

Një 15-vjeçar ka hapur zjarr në një gjimnaz në perëndim të Kentuckyt këtë të martë, duke lënë të vdekur dy shokë klase  dhe 17 të tjerë të plagosur.

Të shtënat nisën vetëm pak pas orës 8 të mëngjesit në shkollën e mesme të kantonit Marshall, në Benton të Kentuckyt, një qytezë rreth 210 km në veriperëndim të Nashville, Tennessee.

Plot 19 studentë u qëlluan nga të shtënat me armë, dy prej të cilëve morën plagë fatale për jetët e tyre. Një prej viktimave, një vajzë 15-vjeçare, ndërroi jetë në vendngjarje, ndërsa një djalosh 15-vjeçar u shpall i vdekur pasi ishte transportuar për në spital.  (J.V/Faxweb)