Një incident i përgjakshëm me dy të vdekur ndodhi të hënën në qendër të Londrës, kur katër persona u sulmuan me thikë në një biznes në Long Lane.
Sipas një deklarate nga Policia Metropolitane, forcat policore nxituan në vendngjarje pak pas orës 13:00. Një burrë 58-vjeçar u gjet i vdekur, ndërsa tre të tjerë u dërguan në spital.
Sipas shefes së Degës së Krimit të zonës, Emma Bond, “hetimi është ende në një fazë të hershme dhe po bëhen të gjitha përpjekjet për të sqaruar plotësisht rrethanat e këtij incidenti tronditës”. Ajo sqaroi se nuk ka asnjë tregues se ky është një akt terrorist dhe se nuk ka rrezik të mëtejshëm për publikun.
