Vetëm dy ditë më parë gazetari Artan Hoxha ka paralajmëruar një përplasje të fortë mes lobeve ekonomike dhe atyre të krimit këtë vit zgjedhor në Elbasan. Hoxha tha në emisionin “Të paekspozuarit” se Vaterloja ka zbritur nga Lezha në Elbasan ku të gjitha partitë kanë bazat e tyre.
Por pas kësaj deklarate ka ardhur edhe reagimi nga bashkia e Elbasanit. I kontaktuar nga Gazeta “TemA”, përgjegjësi i zyrës së Informacionit në bashki, Besim Dybeli, thotë se nuk ka pasur ndonjë gjendje të vështirë për sigurinë e kryebashkiakut Qazim Sejdini.
Sipas Dybelit deklarata e bërë nga gazetari Hoxha nuk është e vërtetë duke hedhur poshtë dyshimet për ndonjë sulm ndaj kryebashkiakut Sejdini.
“Përkundër deklaratës së gazetarit është e drejta e tij, por rreth Kryebashkiakut nuk ka asnjë lloj rreziku. Dua t’ju them se Qazim Sejdini vijon punën e tij normalisht dhe nuk ka pasur asnjë problem apo shqetësim,” pohon Dybeli për gazetën “TemA”.
I pyetur nga gazeta “TemA” nëse ka pasur ndonjë kërcenim ndaj kryebashkiakut Sejdini që mund të ketë sjellë shtimin e masave të sigurisë, Dybeli argumenton se nuk rruhet nga forcat speciale.
“Analistët dhe gazetarët janë të lirë të shprehin deklarata, por unë jam i përditshëm në Bashki për shkak të punës që bëj dhe nuk ka asnjë kërcenim në adresë të z. Sejdini.
Nuk është e vërtetë absolutisht që ruhet nga forcat speciale dhe këtë mund t’ua u them me shumë sinqeritet dhe përgjegjësi,” shprehet Dybeli.
Më herët gazetari Hoxha paralajmëroi përplasje të forte gjatë fushatës elektorale mes palëve politike dhe atyre të krimit në qytetin e Elbasan.
“Që nga momenti që kryetari i Bashkisë së Elbasanit lëviz i ruajtur nga forcat speciale, atëherë unë mund t’ju them se rreziku i këtyre zgjedhjeve është Elbasani. Do ketë një përplasje shumë të fortë. Edhe një nga partitë e koalicionit, partia çame ka bazë të fortë, PS po, LSI po dhe opozita nuk heq dorë. Përplasje e lobeve të forta ekonomike dhe të botës së krimit. Vaterloja ka zbritur nga Lezha në Elbasan. Biznesi i pari, paraja”, theksoi Hoxha.
Duhet të tekojmë se prej disa ditës kreu i bashkisë së Elnasanit Qazim Sejdini ka filluar fushatën elektoriale në mbështetje të Partisë Socialiste.
Në Elbasan përfaqësuesit e Partisë Socialiste vetëm pak ditë më parë kanë zhvilluar një takim me simpatizantët e tyre. Të pranishëm në takim ishin kreu i Bashkisë së Elbasanit Qazim Sejdini, ministrja e Mbrojtjes Mimi Kodheli e cila është edhe e dërguara e PS-së për qarkun Elbasan, deputetët Balla dhe Spahiu dhe përfaqësues të tjerë lokalë. Ndryshe nga sa u përfol pak kohë më parë Sejdini nuk ka hequr dorë nga fushata për PS-në.
(J.V/Shuplaka)
Discussion about this post