Një video e inçizuar nga kamerat e sigurisë së një lokali në Bllok, nxjerr zbuluar dy vajza të reja të cilat kapen duke vjedhur një celular.
Celulari ishte harruar nga dy të rinj, të cilët ishin ulur në një tavolinë ngjitur me vajzat e reja. Pronari i celularit, kujtohet pas 5 minutash për celularin dhe kthehet sërish në lokal sëbashku me kushëririn e tij. Mirëpo duke qenë se nuk po e gjenin askund, ata i kërkojnë menaxherit të lokalit të shohin pamjet e kamerave të sigurisë.
“Pasi u çuam, u kthyem pas 5 minutash dhe nuk e gjetëm celularin aty. I kërkuam videon menaxherit, na e dhanë dhe pamë që ishin këto të dyja që e kanë marrë.
Kam një mesazh për të gjithë: “Ruhuni nga këto femra bundra, sepse ashtu siç na vodhën ne telefonin, që me sa duket dhe nga video nuk e kishin për herë të parë, nesër mund t’jua vjedhin ju. Ishte një Samsung Galaxy S5. Mesazhi im për atë fundërrinë është t’u bëfshin ilaçe”, – thotë djali me shpresën se dikush do të reagojë dhe do të mund ta ketë sërish në duart e tij celularin.
Në video shihet qartë se si vajzat me paturpësinë më të madhe, jo vetëm e shohin celularin, por e fshehin atë me veshjen e tyre. Më pas e marrin me lezet dhe largohen sa hap e mbyll sytë nga lokali. (D.D/Shuplaka)
Discussion about this post