Dy vite më parë vrau me armë zjarri dy shtetas, policia arreston 28 vjeçarin në Burrel (EMRI)

Një shtetas në kërkim ndërkombëtar për Vrasje me Dashje në Itali është kapur dhe ndaluar nga policia.

Shtetasi Fation Stojani (Islamaj), 28 vjeç, banues në njësinë administrative Ulëz-Mat është shpallur në kërkim ndërkombëtar nga Interpol Roma, Itali, pasi Gjykata Busto, Arsizio/Itali, ka lëshuar urdhërin e arrestit ndërkombëtar për veprën penale “Vrasje me dashje”, parashikuar nga nenet 81, 110, 112, 575, 577 të Kodit Penal Italian.

Specialistët për Hetimin e Krimit në Komisariatin e Policisë Mat, në bashkëpunim me Interpol Tirana, si rezultat i një pune të mirëorganizuar, gjatë ditës së sotme në qytetin e Burrelit, kanë zhvilluar dhe finalizuar me sukses operacionin policor për kapjen dhe ndalimin e shtetasit të shpallur në kërkim ndërkombëtar :

Maksimumi i dënimit “Burgim i Përjetshëm”.

Ky shtetas me datë 10.11.2016, në qytetin Conegrate/Milano, Itali, ka vrarë me armë zjarri dy shtetasit shqiptar A.Ll, 31 vjeç, A.LL, 38 vjeç.

Zyra Qëndrore Kombëtare Interpol Tirana, po kryen procedurat e nevojshme për ekstradimin e këtij shtetasi drejt Italisë.
(M.Q/Faxweb)