Ish-Këshilltari i Fatos Nanos, Ylli Dylgjeri komenton darkën e famshme të mbrëmjes së kaluar midis kryeministrit Edi Rama dhe kreut të Kuvendit Ilir Meta.
“Një Darkë që na la pa darkë…”, shkruan Dylgjeri në një njoftim në “Facebook”. Përmes një ironie të theksuar, ish-këshilltari i Nanos shprehet se liderët e hëngrën darkën për Reformën në Drejtësi dhe për të mirën e vendit.
“Më në fund u qartësuam. Darka e mbremshme midis dy liderëve të koalicionit të majtë është ngrënë për reformën në drejtësi, pët të mirën e integrimit të vendit, për vazhdimësinë e dialogut, për klimën konstruktive etj, etj.
Doni më për të ngrënë? Liderët e hëngrën darkën. Ne duhet ti hamë këto të mësipërmet.
U servir biles edhe ëmbëlsira, e jo helm siç tha gazetari Fahri Balliu mbrëmë në Opinion.
Në fund Rama njoftoi mbledhje me drejtuesit e PS-së,
Në orën 19.00 zhvillohet mbledhje e Kryesisë se LSI.”, vazhdon më tutje Dylgjeri.
Pak orë më parë, kreu i LSI-së Ilir Meta deklaroi se gjatë darkës së mbrëmshme me kryeministrin, ai kishte biseduar për reformën në Drejtësi.
“Nuk dua të hyj në çështje konkrete dhe në çështje specifike. Rëndësinë e vazhdimit të reformës në drejtësi në mënyrën më kushtetuese, ligjore dhe transparente dhe kjo çështje e domosdoshme dhe së dyti rëndësinë e dialogut për të garantuar standardet më të larta evropiane të zgjedhjeve më 18 qershor dhe kjo kërkon klimë dialogu dhe bashkëpunimi.”, deklaroi Meta. (D.D/Shuplaka)
Discussion about this post