Reagon nga Shtetet e Bashkuara të Amerikës Endri Prifti pas dyshimeve se po hetohen për djegien e makinës së Flori Mumajesit.
Vëllezërit Prifti patën një debat të fortë pas Këngës Magjike për ”Mirëmëngjes dashni” të kënduar nga Artjola Toska dhe Bruno dhe fill disa ditë më pas u dogj makina e kantautorit.
”Ne mund të debatojmë për muzikën dhe shijet tona, për më tepër kur ato i bëjmë të hapura dhe publike, shprehim mendimin tonë të sinqertë për festivalet etj rreth muzikës, por nuk kemi menduar ndonjëherë të bëjmë gjëra kaq të shpifura siç po flitet andej për djegien e një makine.”, përgjigjet Endri Prifti.
REAGIMI I PLOTË:
Ju përshendes në mes të luleve. Mrekullia vetë, po ja dëgjova deri këtu në Las Vegas erdhi lajmi. Ne po shijojmë disa ditë pushimi me miqtë tanë duke vazhduar më tej, me koncertet tona në gjithë Amerikën e bukur. Për t’u çuditur nuk mendoja se do arrinin të mendonin deri këtu. Ne kemi lindur edhe rritur së bashku me muzikën, i kemi shërbyer dhe na ka shërbyer në jetën tonë. I kemi shërbyer duke studiuar dhe punuar dhe na ka shërbyer për këta që jemi dhe për të jetuar në dashuri me familjet tona, me shokë e me miq, që gjithë jetën japim dhe marrim dashuri dhe respekt. Ne mund të debatojmë për muzikën dhe shijet tona, për më tepër kur ato i bëjmë të hapura dhe publike, shprehim mendimin tonë të sinqertë për festivalet etj rreth muzikës, por nuk kemi menduar ndonjëherë të bëjmë gjëra kaq të shpifura siç po flitet andej për djegien e një makine. Ne i urojmë shëndet edhe 10 makina të tjera të ketë çdokush në atë vend, ne e përgëzojmë dhe i urojmë zoti ja shtofte çdokujt të mirat. Këta Jemi ne, kjo është e vërteta jonë, kjo është krenaria jonë dhe faqebardhësia jonë transparente. Gëzuar festat të gjithëve me shëndet dashuri e gjithë të mirat.I love you”. (V.G/SHUPLAKA)
Discussion about this post