Policia izraelite ka marr në pyetje kryeministrin e Izraelit, Benjamin Netanyahu dhe gruan e tij Sara, për herë të parë lidhur me një rast të korrupsionit në të cilin përfshihet kompania më e madhe e telekomunikimeve.
Të dy u intervistuan si të dyshuar të mundshëm penalë në këtë rast. Policia mbërriti pak përpara orës 9 në shtëpinë zyrtare të Netanyahut në Jerusalem dhe u largua pas më shumë se pesë orësh. Ndërkohë, Sara Netanjahu u pyet në stacionin policor të skuadrës së anti-mashtrimit të Izraelit pranë Tel Avivit. Policia donte ta merrte në pyetje çiftin njëkohësisht për të parandaluar çdo përpjekje për të penguar hetimin.
Gjatë hetimit, Netanyahu pretendoi se vendimet e tij lidhur me Bezeq-in ishin profesionale dhe se ai kurrë nuk kishte marrë një mbulim të favorshëm nga Walla.
Sara Netanyahu u ballafaqua me tekstet e dërguara nga Iris Elovitch në të cilën kërkoi që mbulimi të ndryshohej.
Pak kohë pas marrjes në pyetje, Netanyahu përsëriti pafajësinë e tij në një video të postuar në faqen e tij në Facebook, duke falënderuar “miliona” qytetarë izraelitë për mbështetjen e tyre dhe duke i siguruar ata se ai “ndihet i sigurt, sepse nuk do të ketë asgjë”.
Netanjahu pritet të merret në pyetje përsëri pas kthimit të tij nga Shtetet e Bashkuara javën e ardhshme.
Ai dyshohet se i ka kërkuar pronarit të Bezeq, Shaul Elovitch që të garantojë mbulim të favorshëm nga Walla, një faqe interneti e lajmeve Bezeq. Në shkëmbim, Netanyahu thuhet se e udhëzoi Ministrinë e Komunikimit për të marrë vendime rregullatore në favor të Bezeq.
Ky është një nga të paktën katër hetime që janë të lidhura me kryeministrin apo bashkëpuntorët e tij.
Në muajin shkurt, policia pati deklaruar se 68 vjeçari, Netanyahu mund të paditet për ryshfet në dy hetime të tjera për korrupsion.
Discussion about this post