Oficeri i Policisë së shtetit Julian Balliu është pezulluar nga detyra pasi dyshohet për tentativë implikimi në trafikun e drogës. Fiks Fare denoncoi pazaret që kryen një efektiv i Policisë së Shtetit. Oficeri i Policisë së Shtetit ku u filmua me zë dhe figurë teksa bën pazare për të trafikuar 200 gramë kokainë.
Drejtorit te Pergjithshem te Policise se Shtetit, Drejtoria e Standardeve Profesionale ka nisur një procedim disiplinor për efektivin Balliu, me detyre oficer i Policise se Qarkullimit Rrugor, duke marrë masën e pezullimit nga detyra, deri në përfundim të hetimit të ngjarjes.
Strukturat e SHÇBA jane duke kryer të gjitha veprimet procedurale dhe hetimore për të zbardhur rrethanat dhe personat e mundshëm të implikuar në këtë ngjarje të rëndë për punën dhe imazhin e Policisë së Shtetit.
Gjithashtu Ministria e Brendshme dhe Policia e Shtetit falënderon median dhe qytetarët për bashkëpunimin dhe i fton ata të denoncojnë çdo rast të mundshëm të implikimit të punonjësve të Policisë në veprimtari të tilla kriminale apo korruptive. (M.Q/Faxweb)
Discussion about this post