Kryeministrja e Anglisë, Theresa May, është liderja e parë në botë që ka zhvilluar takim me Presidentin e ri të Shteteve të Bashkuara të Amerikës, Donald Trump.
Në takimin mes tyre, mësohet se Trump e vlerësoi pozitivisht daljen e Anglisë nga BE, duke u shprehur se “Brexit” ishte një mrekulli për Anglinë dhe vizita e May-t flet për marrëdhënien e fortë mes dy vendeve.
Megjithatë, ka qenë gjesti i dy liderëve që ka tërhequr shumë vëmendje. Në pamje të parë një gjest dashamirësie, kapja dorë për dorë e Donald Trump me Theresa May vë në pikëpyetje të ardhmen e përbashkët të SHBA-ve dhe Anglisë. (XH.A/SHUPLAKA)
