Është e zakonshme që Donald Trump të shmangë rregullat me apo pa dashje. Mirëpo këtë herë duket se ka vënë në rrezik shëndetin e tij.
Pavarësisht paralajmërimit të NASA-s, Donald Trump nuk i ka vendosur syzet që në fillim të eklipsit të diellit që ndodhi dje në SHBA, ndërkohë që familja e tij iu bashkua miliona amerikanëve për ta parë nga afër këtë fenomen.
Në Shtëpinë e Bardhë, Trump dhe Melania, bashkë me djalin e tyre adoleshent Barron, morën syzet protektive dhe shikuan eklipsin nga ballkoni Truman.
Vajza Ivanka ishte po ashtu e pranishme bashkë me prokurorin e përgjithshëm Jeff Sessions dhe Sekretarin e Tregtisë, Uilburn Ross.
Ndërsa në oborr ishin mbledhur me dhjetëra pjesëtarë të stafit që shikonin nga qielli me syze, Trump i pyeti si ishte pamja nga atje poshtë dhe ngriti gishtin e madh lart, në shenjë aprovimi. Presidenti amerikan i ka vendosur syzet vetëm në momentin kur një nga pjestarët e stafit i kanë kujtuar që duhej të mbrohej.
Pas javësh pritjeje, shikimi i Hënës që kalon mes Tokës dhe Diellit, duke ndaluar rrezatimin e këtij të fundit, u shndërrua sipas ekspertëve në një nga eventet më të ndjekura në historinë e njerëzimit.
12 milionë njerëz jetonin përgjatë zonës 113 km të gjatë, ku eklipsi i plotë u ndoq. Miliona të tjerë udhëtuan drejt vendeve të caktuara në këtë trajektore, për të ndjekur eventin e rrallë.
(E.K/SHUPLAKA)
