Kryetari i Unionit të Gazetarëve Shqiptarë, Aleksandër Çipa, ka reaguar pas lajmit të publikuar në mediat greke, të cilat e bënin me nënshtetësi greke.
Çipa thotë se asnjëherë nuk ka patur një nënshtetësi të huaj dhe se i vetmi moment ku ka dashur që të ketë një nënshtetësi tjetër ka qenë në vitin 2001. Edhe atëhere ka kërkuar të marrë nënshtetësinë e shqiptarit të Kosovës.
“Nuk kam pasur, nuk kam dhe besoj nuk do te kem, nenshtetesi tjeter veç asaj shqiptare. Kam dashur ne nje moment rreth vitit 2001 te kem nenshtetesine e Shqiptarit ne Kosove.”, janë fjalët e tij.
Kujtojmë se vetëm pak ditë më parë gazeta greke “Protothema”, publikoi një artikull ku thoshte se qeveria greke kishte marrë vendim që t’u hiqte nënshtetësinë greke disa himariotëve.
Arsyeja sipas kësaj gazette ishte se himariotët kishin punuar kundër interesave të shtetit grek, dhe në mesin e tyre përmendej edhe emri i Aleksandër Çipës.
REAGIMI I ÇIPËS
Nje sqarim per opinionin publik dhe veçanerisht per mediat e vendit tim
Nuk kam pasur, nuk kam dhe besoj nuk do te kem, nenshtetesi tjeter veç asaj shqiptare. Kam dashur ne nje moment rreth vitit 2001 te kem nenshtetesine e Shqiptarit ne Kosove.
Sa per lajmin e botuar ne nje media greke dhe publikuar me zell nga shume media te vendit tim, bej me dije se nuk kam asnje dijeni zyrtare, dyshoj se eshte nje pune mediokrish e filogrekeve lokale ne Himare, dhe ne ditet e ardhme do te ve ne levizje per informim zyrtar dhe reagim, gjithe mundesite e mia si qytetar shqiptar dhe europian. Ju bej me dije se nuk kam qene dhe nuk jam as pjese e ndonje liste tjeter qe ka te beje me shtete te rajonit, aq me teper qe nuk kam asnje arsye.
Aleksander Çipa
12.08.2017 (D.D/Shuplaka)
Discussion about this post