Superstari i Barcelonës Lionel Messi thuhet se do të pëlqente të shihte N’Golo Kanten të luajë për katalanasit këtë verë.
Messi përjetoi vetë cilësinë që ka Kante ku në ndeshjen mes Argjentinës dhe Francës ylli katalanas ishte pothuajse i padukshëm edhe për meritë të N’golo Kante, një pikë e fortë në msfushën e Francës.
Francezi ka qenë një nga lojtarët e turneut deri tani. Messi pa dyshim do të jetë i impresionuar. Sipas ‘Don Balon’, të cilët janë të njohur për botimin e pretendimeve të pabazuara, fituesi pesë herë i “Topit të Artë” dëshiron të shohë Kanten për Barcelonën këtë verë. Mesfushori i Chelsea besohet të jetë njeriu ideal për të përmirësuar Barcelonën në mesin e fushës. (B.H/Faxweb)
