Besa Kokëdhima do të jetë një nga trajneret e The Voice për këtë sezon. Dhe padyshim e ëma e saj Brixhida nuk nguron ta përgëzojë dhe inkurajojë atë për nismën që ka marrë. Ajo i kujton Besës dhe fillimet e saj duke i thënë se do të jetë një shembull për të rinjtë.
“Besa ime,
Jam e gëzuar që je pjesë e Jurisë së The Voice!
Besoj se nuk është e lehtë të përzgjidhje, të trajnosh, të zhvillosh talentin e secilit në skuadër e njëkohësisht ti kesh në garë me njëri-tjetrin!
Jetoje si një eksperiencë tepër të veçantë, ndihmoji me zgjuarsi dhe aftësi që ti i ke, që miqtë e tu të rinj të luftojnë fort për të fituar jo vetëm me vokal, por dhe me zemër dhe me psikologji fituesi!
Ata të shikojnë si idhullin e tyre dhe ti je një Star, por ata të kthejnë ty në kohë, kur doje aq shumë këngën dhe interpretimin dhe ishe trainere e vetvetes! Më shumë duhet të të kisha ndihmuar në rrugëtimin e këngëtares! Te dua shpirt”, ka shkruar ajo.
“The Voice” startoi të premten ku Besa do të jetë pjesë e trajnerëve së bashku me Alban Skënderaj, Xuxin dhe Rona Nishliun.(E.K/SHUPLAKA)
