Menjëherë pasi trajneri i Realit të Madridit Zinedine Zidane dha dorëheqjen nga posti i trajnerit të Realit të Madridit në mediat spanjolle dhe ato italine kanë qarkulluar hipoteza për një shkëmbim kokë më kokë mes tij dhe trajnerit të Juventusit Massimiliano Allegri.
Juventus ka shprehur interes për Zidane, ndërsa Allegri mund të marrë drejtimin e klubit nga Madridi.
Një ide që për momentin duket e “çmendur”, por mund të rikthehet në realitet së shpejti. Shumë emra po qarkullojnë në këto orë edhe pse është shumë shpejt për të folur për gjëra konkrete, ndër ta është Klopp, Pochettino dhe Guti. Por gjithashtu edhe trajneri i Gjermanisë Joachim Low. Zidane në deklaratën e tij tha se ishte koha për ndryshime në Madrid dhe për një metodë të re.
Discussion about this post