Kanë mbërritur prej ditës së djeshme përfaqësuesit e OMN-së në vendin tonë të cilët do të monitorojnë zbatimin e Reformës në Drejtësi. Në një deklaratë për mediat Genoveva Calavera ka vendosur theksin te rëndësia e Reformës në Drejtësi në çeljen e negociatave me BE-në.
Ajo ka thënë gjithashtu se OMN do të ketë mision monitorues dhe jo vendimmarrës.
”ONM po kryen monitorim të fuqishëm por nuk merr vendime ekzekutive. Të gjitha vendimet përfundimtare në këtë proces do i takojne autoriteteve shqiptare. Që nesër do të fillojë puna me ekspertë të kualifikuar që do të jenë vëzhgues ndërkombëtar afashkurtër që do të dërgohen për të monitoruar fazën e parë. Komisioni Europian dhe SHBA do të sjellin sërish ekspertë pas zbatimit të Vettingut. Si kryetare ju garantoj se OMN do të jetë në përputhje me ligjin duke zbatuar detyrat e saj.
Dëshiroj të përgëzoj autoritetet e Shqipërisë për Reformën. Kam besim në mbështetjen e autoriteteve shqiptare në të gjithë ecurinë e procesit. Së fundi më lejoni t’iu kujtoj kushtin se Reforma në Drejtësi është kyç për hapjen e negociatave për anëtarësimin në BE.
Komisioni rekomandon gjithashtu vazhdimin e ceurisë pozitive me zbatimin e Reformës në Drejtësi. Më lejoni ta përmbyll me një fjalë mirënjohje për ata që kountribuan në bërjen e Reformës dhe sidomos popullit shqiptar, që me zë të lartë ka kërkuar zbatimin e kësaj reforme”, tha Calavera gjatë konferencës me mediat. (E.K/SHUPLAKA)
