Redon Makashi është një nga këngëtarët më të dashur shqiptarë, që çdo ditë na surprizon me energjinë dhe prurjet e tij të reja muzikore. Së fundi ai ishte pjesë e festivalit në RTSH nga ku mori edhe vendin e dytë, ndërsa u shpreh se fituesi dihej.
Në lidhje me jetën e tij private, Redoni u tregua mjaft i rezervuar. “E çove ku e çove, prapë këtu muhabetin…” i tha ai Juli Krisafit pasi bëri pyetjen: “Nuk e çova unë, e çuan ata”, – u justifikua moderatorja si për t’ua lënë fajin qytetarëve që i uronin Redonit Vitin e Ri dhe çift sa më shpejt.
“Do të martohem, si nuk do martohem”, – ia ktheu ai menjëherë, por pa shumë qejf për të folur për jetën private. Është e çuditshme, shtoi sërish, se si në Shqipëri, njerëzit interesohen më shumë për këtë pjesë sesa për jetën artistike të artistëve. Epo Redon ne jemi shumë të lumtur nëse të shohim të plotësuar nga të gjitha fushat.
(E.K/FAXWEB)
Discussion about this post