Është vënë në prangat e Policisë në Hanin e Hotit pas 6 vitesh si i shpallur në kërkim një 38-vjeçar i cili akuzohet për vrasjen e të vëllait.
Bëhet me dije se në vitin 2014 ka vdekur nga plumbi i një arme zjarri shtetasi K. Sh., i cili në momentet e para është deklaruar nga familjarët si i vetëvarur.
Ndërkohë më datë 17 .02.2020, ndaj shtetasit M.SH., Gjykata e Shkallës së Parë Shkodër ka caktuar masën e sigurisë “Arrest në burg” në mungesë, , pasi në përfundim të hetimeve të bëra dhe në bazë të provave ligjore të siguruara, dyshohet se më datë 23.04.2014 ka vrarë vëllanë e tij.
Njoftimi i Policisë:
Policia kufitare ndalon një person të shpallur në kërkim për vrasje.
Nga shërbimet e PKK Hani i Hotit, në vijim të punës për kapjen e personave në kërkim, gjatë kontrollit të imtësishëm në dalje të Republikës së Shqipërisë është ndaluar personi i shpallur në kërkim, shtetasi M. Sh., 38 vjeç, banues në Shkodër.
Më datë 17.02.2020, Gjykata e Shkallës së Parë Shkodër i ka caktuar masën e sigurisë “Arrest në burg” në mungesë, për veprën penale “Vrasja për shkak të marrëdhënieve familjare, e kryer në bashkëpunim”, pasi në përfundim të hetimeve të bëra dhe në bazë të provave ligjore të siguruara, dyshohet se më datë 23.04.2014 ka vrarë vëllanë e tij, shtetasin K. Sh., i cili në momentet e para është deklaruar nga familjarët si i vetëvarur.
Materialet iu referuan Prokurorisë së Rrethit Gjyqësor Shkodër, për veprime të mëtejshme
(F.GJ/FAXWEB.AL)
Discussion about this post