Ish-deputeti i Lëvizjes Socialiste për Integrim, Përparim Spahiu ka deklaruar se situata në të cilën ndodhen blegtorët e Dibrës është alarmante pasi për të bërë analizat e qumështit që prodhojnë duhet të shkojnë tre herë në muaj në Shkodër.
Spahiu argumenton se qeveria e drejtuar prej Edi Ramës ka shkatërruar Drejtorinë e Bujqësisë në Dibër si dhe laboratorin e bërjes së analizave të qumështit në Peshkopi.
Duke komentuar vendimin e qeverisë për subvencionet me 10 lekë për çdo litër qumështi ndaj fermerëve, Spahiu shprehet: “Tani mendoje vetë, që edhe sikur ta besojmë që do ta subvencionin 100 lekë (e di mirë që jeni shumë keq me financat) nuk ja zgjidhni dot hallet blegtorëve”.
Statusi i plotë:
Ministrin e Bujqësisë e ftoj të takojë Afrimin, në Dibër.
Ja shpjegon ai shumë mirë situatën ku ka përfunduar blegtoria, e si rrjedhojë dhe prodhimi i qumështit.
Të ngjitet dhe në Radomirë, ja shpjegojnë dhe blegtorët atje se si zgjidhen hallet e qumështit.
Sot, ke shkatërruar drejtorinë e bujqësisë në Dibër. Ke shkatëruar laboratorin e bërjes së analizave të qumështit në Peshkopi dhe çdo fermer duhet të shkojë tre herë në muaj në Shkodër të çertifikojë cilësinë e qumështit.
Tani mendoje vete, që edhe sikur ta besojmë që do ta subvencionini 100 lekë (e di mirë që jeni shumë keq me financat) nuk ja zgjidhni dot hallet blegtorëve.
Propagandës i doli kallaji dhe nuk ju beson më njeri.
Sot, të fala nga të gjithë blegtorët e Dibrës, ata të Lushnjes po ti çojnë të falat përditë.
(F.GJ/FAXWEB.AL)
Discussion about this post