Ermal Meta dhe Fabrizio Moro janë vënë në qendër të mediave që pas fitores së spektaklit të “Sanremo”.
Mirëpo, ata janë afruar aq shumë bashkë saqë një faqe instagrami ka publikuar disa foto ku Ermali shihet mjaft intim me Fabrizion.
Menjëherë ka ardhur reagimi i këngëtarit shqiptar.
Ai e ka shpërndarë profilin në Instagram duke i sqaruar të gjithë.
“Ne e duam njëri-tjetrin, por jo kaq shumë,”- shkruan Meta.
Pak më vonë ai ka shkruar edhe një status për të sqaruar akoma më mirë situatën.
“Njerëz, ironizova vizatimet tuaja pa u ndjerë i ofenduar. Homoseksualiteti nuk është diçka për t’u ofenduar. Thjesht më pëlqejnë femrat, ashtu siç i pëlqejnë edhe Fabrizio-s. Nëse do të ndryshojë gjë, ju premtoj se do ta merrni vesh nga unë personalisht. Rroftë dashuria,”- shkruan Ermal Meta.
Prej disa kohësh dimë që këngëtari shqiptar është në një lidhje dashurie me moderatoren radiofonike, Silvia Notargiacomo.
(F.M/Faxweb)
Discussion about this post