Duket se e enjtja e djeshme ishte mjaft tronditëse për Ballkanin dhe sidomos për shqiptarët. Gjithçka nisi me një lajm të mirë siç ishte lirimi nga Gjykata e Colmarit në Francë e Ramush Haradinajt.
Pas më shumë se katër muajve që ai akuzohej për krime lufte ndaj tij u hodhën poshtë të gjitha akuzat.
Nga ana tjetër një vendim historik është marrë edhe për shqiptarët e Malit të Zi. Parlamenti i Malit të Zi, në një votim historik për shqiptarët ka për shpalljen e Tuzit, komunë me të drejta të plota. Ishte një e drejtë që shqiptarët e Tuzit e kërkonin prej 27 vitesh dhe që u ishte mohuar.
Tuzi varej nga Bashkia e Podgoricës dhe, prej më shumë se një çerekshekulli, popullsia shqiptare dhe faktori politik shqiptar në Mal të Zi kërkonin që të ishin një komunë më vete me të drejta të plota. Tashmë pas Ulqinit, Tuzi është komuna e dytë me shumicë shqiptare në territorin e Malit të Zi.
Dhe ngjarja e tretë vërtet mjaft e rëndë ndodhi në Maqedoni. Kur u duk se edhe shqiptarët atje do të kishin më shumë të drejta me zgjedhjen e Talat Xhaferrit në krye të Parlamentit, gëzimi ia la vëndin dhunës dhe gjakut.
Një bilanc lufte ka rezultuar ai pas përplasjeve me 102 persona të lënduar, mes tyre dhe deputetë dhe forca të sigurisë. Një nga personat e lënduar më rëndë ishte dhe deputeti Ziadin Sela.
Po ashtu i lënduar mbeti dhe kreu i LSDM-së Goran Zaev. Ndërkohë që dita nuk ka qenë më pak e qetë në Shqipëri, po le të shpresojmë që retorika politike të mos konkretizohet me akte dhune. (E.K/SHUPLAKA)
