Një masiv i madh shkëmbor në rrugën Kukës-Shishtavec, po rrezikon çdo ditë jetën e banorëve të zonës së Shishtavecit, të cilët lëvizin në këtë aks për shkuar në qytetin e Kukësit dhe anasjelltas.
Shkembi është shkëputur nga shpati i malit si pasojë e erozionit dhe depërtimi i reshjeve. Shkëmbi qëndron mbi strukturën anërsore të rrugës dhe deri më tani nuk është marrë asnjë masë për largimin e tij.
Gazetari i Fax News, ermal Hallaçi raporton se, Rrëshqitjet e gurëve dhe shkëmbinjve në këtë rrugë janë të shpeshta. Në anën tjetër, rruga në disa segmente është dëmtuar tërësisht.
Kujtojmë se dimrin e kaluar rënia e një masivi shkëmbi rrezikoi jetën e një drejtuesi mjeti dhe pasagjerëve.
Ndërkohë, shpatet e grykës së Vanave përgjatë rrugës Kukës -Shishtavec janë plot shkëmbinjë që rrezikojnë të shkëputen nga shpati i malit.
(F.GJ/FAXWEB.AL)
Discussion about this post