Një bombë ajrore e mbetur që nga periudha e Luftës së Dytë Botërore, është shpërthyer në mënyrë të kontrolluar gjatë ditës së djeshme në kryeqytetin serb, Beograd.
Sipas mediave lokale, neutralizimi i bombës ka zgjatur rreth dhjetë minuta dhe është çaktivizuar rreth orës 9 të ditës së djeshme. Pak para shpërthimit autoritetet kanë lëshuar një sirenë alarmi dhe më pas lëkundje të lehta janë ndier në të gjithë qytetin.
Paraprakisht, autoritetet i kishin lajmëruar qytetarët për shpërthimin që do të ndodhte, andaj askush nuk u lejua të afrohej më shumë se 500 metra nga zona e rrezikut.
Mësohet se bomba e mbetur që nga Lufta e Dytë Botërore është gjetur në vendpunishten “Beogradi në ujë”, peshonte rreth gjysmë ton dhe përmbante 250 kilogramë eksploziv. (D.D/Shuplaka)
[ngg_images source=”galleries” container_ids=”1043″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]https://www.youtube.com/watch?v=d8B10J4K0cE&feature=youtu.be
