Një 5-vjeçar i strehuar në një hotel në Shëngjin është prekur nga smënundja e zgjebes. I mituri qëndron tek hoteli bashkë me familjarët e tij për shkak se shtëpia e tyre pësoi dëmtime nga tërmeti.
Sipas A2CNN, rasti është konfirmuar nga specialistët e shëndetësisë. 5-vjeçari bashkë me familjen e tij janë izoluar nga pjesa tjetër e banorëve me qëllim që sëmundja të mos përhapet edhe tek të tjerët. Kjo pasi zgjeba mund të ngjitet tek të tjerët përmes kontaktit të lëkurës.
Kujtojmë që ministrja e Shëndetësisë e pati paralajmëruar se banorët rrezikohen nga shpërthimi i ndonjë epidemie, ndërsa pati nisur edhe vakisnimin e tyre për ta shmangur këtë gjë.
Discussion about this post