E fundit/ 57-vjeçares në Vlorë i sekuestrohen dy llogari bankare me vlerë 298 mijë euro, ja për çfarë dyshohet

Policia në Vlorë i ka sekuestruar dy llogari bankare një 57-vjeçareje pasi dyshohet për veprën penale ”Pastrimi i produkteve të veprës penale ose veprimtarisë kriminale”.

57-vjeçares i janë konfiskuar plot 298.324 Euro në dy logaritë bankare.

NJOFTIMI I POLICISË:

Vlorë

Specialistët e Seksionit për Hetimin e Krimit Ekonomik e Financiar në Drejtorinë Vendore të Policisë Vlorë në bashkëpunim me Prokurorinë e Rrethit Gjyqësor Vlorë, ditën e sotme kanë bërë të mundur sekustrimin e dy llogarive bankare të shtetases T.B., 57 vjeçe, banuese në Vlorë, me një shumë totale prej 298.324 Euro.

Materialet hetimore iu referuan Prokurorisë së Rrethit Gjyqësor Vlorë për veprën penale ”Pastrimi i produkteve të veprës penale ose veprimtarisë kriminale”, parashikuar nga neni 287 të Kodit Penal. (B.H/Faxweb)