Dashamir Xhika, ish-drejtori i rrugëve do të lërë qelinë. Ky ka qenë vendimi i dhënë sot nga Gjykata, ndërsa Xhika do të hetohet nën masën e arrestit të shtëpisë.
Xhika akuzohet për shpërdorim detyre në rastin e autostradës Tiranë-Elbasan, ndërsa ndodhej prej disa muajsh në burg.
Gjithashtu dy personat e tjerë si Albens Alite dhe Aksel Qorduka vijojnë te hetohen nën masën e sigurisë “arrest shtëpie”.
Ish-kreu i Autoritetit Shqiptar të Rrugëve u prangos me akuzën e korrupsionit dhe shpërdorimit të detyrës. Xhika, së bashku me Andi Tomën, ish-Drejtorin e Rrugëve, që u lirua në maj të këtij viti dhe disa zyrtarë të tjerë u arrestuan në datë 2 shkurt për abuzime me fondet e rrugës Elbasan-Gjinar në vlerën e 5 mln eurove.
Ndërtimi i rrugës Tiranë-Elbasan ishte parashikuar të kushtonte 407 milionë dollarë sipas kontratës së qeverisë shqiptare me bankën islamike në vitin 2011. Por, në auditin e Ministrisë së Infrastrukturës në materialin kallëzues theksohet se ka një dëm prej 54 milionë dollarë.
(E.K/FAXWEB.AL)
Discussion about this post