Ka reaguar pasditen e sotme Partia Demokratike lidhur me deklaratën e Ramës pas vendimit të bashkive opozitare të cilat nuk kanë pranuar vendimin ë KQZ-së.
Sipas PD-së akti për anulimin e zgjedhjeve është botuar tashmë më fletoren zyrtare dhe kjo do të thotë se është e legjitimuar tashmë.
Ata shprehen se për sa kohë të mos ketë një datë zgjedhjesh kanë të drejtën e tyre, e në të kundër t kur kjo e fundit të jetë e fiksuar atëherë do të jetë koha që të vijojnë zbatimin e saj.
Deklaratë e plotë:
“Zoti Kryeministër! Je kokë e këmbë në paligjshmëri!
Qeveria e drejtuar prej teje ka botuar në Fletoren Zyrtare dekretin e Presidentit. Siç mund ta dish fare mirë, në Fletoren Zyrtare publikohen aktet ligjore të detyrueshme për zbatim në Republikën e Shqipërisë. Mos u lodh me urdhra pa vlerë që nxisin militantët e tu në KQZ të na kërcënojnë me ndjekje penale, sepse, përsa kohë nuk ekziston një datë zgjedhjesh, as zgjedhjet nuk ekzistojnë.
Kushdo që vepron ndryshe, është në paligjshmëri!
Zoti Kryeministër, kur Presidenti të shpallë një datë të re zgjedhjesh, atëherë gatishmëria jonë për respektimin e ligjit, do të jetë, si gjithmonë, maksimale.
Hallin e datës 30 nuk ta zgjidhim dot ne!
Je që je kot dhe sillesh nëpër Shqipëri si qyfyrexhi, jepi urdhër KQZ-së të shpallë menjëherë nisjen e negociatave me BE-në!”
