KPK ka konfirmuar në detyrë gjyqtarin në Gjykatën e Shkallës së Parë për Krimet e Rënda, Dritan Hallunaj. Sipas ILDKPKI, Hallunaj nuk kishte fshehje të pasurinë, apo deklarime të rreme. Të gjitha deklarimet e tij ishin në përputhje me ligjin.
Ndaj Dritan Hallunajt ishin bërë 3 ankesa një nga ankesat ka qenë nga ish-kryeprokurori i Përgjithshëm, Adriatik Llalla, lidhur me vendimin e dhënë ndaj Arben Frrokut. Hallunaj vendosi për pafajësinë e Arben Frrokut, dhe në atë kohë kryeprokurori Adriatik Llalla, bëri ankesë në KLD në vitin 2015. Adriatik Llalla pretendonte se vendimi i gjyqtarit për Arben Frrokun ka qenë i pabazuar dhe se ai ka bërë vlerësim provash të njëanshme, gjë që nuk ndikoi në konfirmimin e Hallunaj.
Pas vendimit, Dritan Hallunaj nuk ngurroi të falenderojë KPK-në ku u shpreh se ndihej i lehtësuar.
“Falenderoj komisionin që beri konfirmimin në detyrë, ndihmen i lehtësuar. Një falenderim edhe për mediat që bënë një sqarim sa më real dhe të saktë. Ishte një process i lodhshëm dhe i vështirë”, u shpreh ai.
(J.D/Faxweb.al)
