E FUNDIT/ Komisioni për Reformën Zgjedhore, Hajdari i lë vendin një deputeti tjetër. Kush do të jetë bashkëkryetar

Pas negociatave me deputetët e opozitës së re, Faxweb mëson se Kuvendi ka ndryshuar formulën e ‘zgjedhores’.

Siç edhe u raportua më herët,  Komisioni i Reformës Zgjedhore nga 18 anëtarë që ishte më parë, do të bëhet me 10 anëtarë, ndërsa kryetar do të jenë Damian Gjiknuri nga ana e mazhorancës dhe Korab Lita nga opozita.

Ndërkohë që është bërë edhe një lëvizje tjetër nga ana e opozitës duke u dorëhequr Rudina Hajdarin për t’ia lënë vendin Myslim Murrizit. Ndërkohë   janë bërë publik edhe emrat e deputetëve të tjerë që do të përbëjnë këtë komision, me daljen nga Kuvendi të PD-së dhe të LSI-së prej disa muajsh tashmë.

Cilët do të jenë anëtarët e këtij komisioni:

Anëtarët e PS janë Damian Gjiknuri, Blerina Gjylameti, Bashkim Fino, Klotilda Ferhati dhe Alket Hyseni.

Anëtarët e opozitës së re të dalë nga listat e PD-së do jenë Korab Lita, Myslim Murrizi dhe Andi Përmeti (Pjesë e Bindjes Demokratike)

Anëtarë nga grupi i Pavarur, Ralf Gjoni dhe Nimet Musaj.

Këto ndryshime pritet që të miratohen gjatë seancës së nesërme në Kuvend, ndërsa afati i komisionit parlamentar do të jetë deri në datë 28 nëntor, ku është përfshirë dhe ndryshimi i sistemit, që ka qenë një kërkesë e ngutshme e Rudina Hajdarit dhe Ralf Gjonit.

Ndërkohë pritet ‘vëzhguesi’ nga PD, duke qenë se është lënë një ftesë e hapur, po që është refuzuar nga selia blu.

(F.GJ/FAXWEB.AL)