Trajneri i kombëtares shqiptare Kristian Panuçi ka dalë sot në koferencë për shtyp në ambientet e FSHF, teksa është vënë re nga gazetarët mungesa e zëdhënësit për shtyp, Gerti Çarçanit.
Ky i fundit është larguar nga ky post dhe lajmin e ka dhënë pikërisht trajneri Panuçi.
Para fillimit të koferencës ai filloi të bënte batuta me gazetarët duke shkaktuar të qeshura në sallë.
“Ka ikur Çarçani, edhe pak do hapim audicionet për postin e zëdhënësit të ri. Por duhet të paraqiteni me mini-fund e me taka”, u shpreh Panuçi.
Nuk dihen ende rrethanat e këtij ndryshimi në stafin e FSHF, duke llogaritur se Çarçani në vitet e fundit ka mbuluar gjithë departamentin e informimit të publikut në institucionin e futbollit.
(E.K/FAXWEB.AL)
Discussion about this post