Kryeministri i vendit Edi Rama është takuar me presidentin Ilir Meta, raporton ‘Fax News’. Takimi është bërë tek Presidenca.
Kryeministri dhe presidenti janë takuar në orën 18:00. Takimi ka zgjatur 30 minuta.
Burime të ‘Fax News’ raportojnë se në qendër të bisedimeve gjatë takimit kanë qenë dy temat e rëndësishme: Negociatat dhe kufiri detar me Greqinë.
Kujtojmë që sot ka patur zhvillimeve rreth të dy temave. Ambasadorët e vendeve anëtare të BE kanë folur për hapjen e negociatave për Shqipërinë dhe Maqedoninë, ku nga raportimet e gazetares Erisa Zykja për ‘Fax Neës’ përveç Danimarkës e cila duket sikur ka bërë një hap pas në qëndrimin e saj kundër hapjes së negociatave për Shqipërinë, Franca, Gjermania dhe Holanda nuk kanë ndryshuar qëndrim.
Sa I përket temës tjetër të rëndësishme si ç është ajo e kufirit detar, ministri i Jashtëm i Greqisë, Nikos Kotzias nga Rusia, ka folur për Shqipërinë gjatë një ligjërate që ka mbajtur në Universitetin MGIMO të Moskës.
“Me politikë aktive po zgjidhim me Shqipërinë probleme dekadash.Besoj se shumë shpejt përfundojmë negociatat me Shqipërinë.
Kotzias ka thënë gjithashtu se paketa prej dhjetë çështjesh përfshin edhe përcaktimin e kufijve dhe të zonave detare”, ka thënë ai. (B.H/Faxëeb)
