Ndërkohë që vijojnë tensionet në zonën e Selvisë në Tiranë ku janë prishur dy biznese dhe një banesë pa u paralajmëruar pronarët e tyre, ka ardhur edhe reagimi i Partisë Demokratike përmes ish-deputetes Jurida Tabaku.
Tabaku shprehet në reagimin e saj se në mes të Tiranës dhe në kulmin e qarkullimit të mjeteve, Erion Veliaj u dërgon pronarëve fadromat të mbështetura nga forcat special duke rrënuar barbarisht sipas saj, pasurinë e qytetarëve të pambrojtur.
Reagimi i plotë:
Tek Selvia, në mes të Tiranës, në pikun e qarkullimit të mjeteve dhe njerëzve, në pronën e tyre, në besen e shtetit që i paguan taksat, me buke në gojë, pa u lajmeruar as me gojë as me shkrim.
Erion Veliaj u dergon fadromat të mbështetura nga forcat speciale dhe rrënon barbarisht pasurinë e qytetarëve të pambrojtur.
Dhuna nuk ka kufij ndaj duhet të bashkohemi përpara padrejtësive përpara se prona dhe shtëpia jonë të jetë pre e dhunës diktatoriale të kësaj qeverie
(F.GJ/FAXWEB.AL)
Discussion about this post